Muštoh, muštâlusah -haavâ ulmen lii ovdediđ uđđâlágán sämmilâš čáitáldâhkielâ museoi kiävtun. Tot puáhtá pyevtittiđ mielâkiddiivâš ferimijd kuossijd já išediđ iberdiđ museoi faallâm tiäđu pyerebeht.

Sämmilâšidentiteet ij lah staattisâš almoon, pic tot muttoo ääigi mield, ko ohtsâškodáliih, kulttuurliih já eres tahheeh vaigutteh toos. Siämmáánáál kolgâččii sämimuseoi – sehe fastâ ete mulsâšuvvee – čáitálduvah eelliđ já leđe äigitääsist, sehe älkkeht peividemnáál já muttemnáál.

Haahâ puáhtá oohtân sämimuseoid Säämi tave- já maadâoosijn. Haavâ vaiguttâs nannee meiddei tot, ete haahân uásálisteh meiddei kyehti ollâopâttuv Suomâst já Ruotâst sehe eres merhâšittee tuáimeeh, moi ohtsâš ulmen lii rähtiđ maidnii áinoošlajâsijd. Sämiartisteh já -taiđâreh tulkkojeh haavâst sämikulttuur já mii sämmilij muštoid já mainâsijd taiđuu já muusik vuovijguin, ulmen sist lii universaal, sänittes ohtsâšibárdâs.

Muštoh, muštâlusah lii ohtsâšpargohaahâ, moos uásálisteh Sämimuseo Siida, Maadâsämmilâš museo já kulttuurkuávdáš Saemien Sijte, Ruotâ Tuodâr- já sämimuseo Ájtte, Laapi ollâopâttâh já Luleå teknisâš ollâopâttâh.

Haavâ válduruttâdeijen lii Interreg Pohjoinen -ohjelm, já aalmugliih ruttâdeijeeh láá Laapi Litto Suomâst, Trøndelag leenâ, Norsk kulturråd já Sämitigge Taažâst, sehe Region Norrbotten Ruotâst. Haahâpaje lii 1.1.2020–30.9.2022 já haavâ budjet lii suulân kyehti miljovn eurod.

Muštoh Facebook