Ájtte-muʹzei lij sääʹmkulttuur väʹlddmuʹzei Ruõccjânnmest da tuõddârvuuʹdi luâđ da kulttuur spesiaalmuʹzei. Tõt lij Jåhkåmåhkkest/Jokkmokk vuuʹdest tâʹlles tââʹv polarkruugg tââʹvbeäʹlnn da tõn ääʹveeš almmjid ǩieʹssmannust 1989. Ájtte lij juuʹlevsääʹmǩiõl da miârkat ääiʹt. Ääiʹtest ââʹnet ärvvtäʹvvrid, de Ájtte-muʹzei lij päiʹǩǩ, koʹst seeiltet saaʹmi ärvvsaž täʹvvrid, što tõid vueiʹtet äuʹǩǩeed sääʹmkulttuuʹre õhttneei tuʹtǩǩummšest, ouddnemtuâjast da škooultõõzzâst. Muʹzeeʹj miârktõs lij vuâlggam asetõõzzâst: muʹzeeʹj tuâjjan lij ââʹnned huõl miârkteei, sääʹmkulttuuʹre õhttneei muʹzeitåimmjummšest Ruõccjânnmest, tåimmad Ruõccjânnam spesiaalmuʹzeeʹjen di kääzzkâʹstted tuõddârvuuʹdid tillʼlõõvi turiism teâđtemkõõskõssân.
Muʹzei maainast dokumentââʹsteeʹl nuʹt tuʹtǩǩummuž, čuäjtõõzzi ǥu õõlmtõõzzi veäkka sääʹmkulttuurâst da saaʹmi kulttuurkueʹstlmin, õõlǥteei äimmõs- da pirrõsåårrmõõžžin jieʹllmest ǥu piʹrǧǧummšest di, ekoloogla da obbvääldla ǩiõččâmvueʹjj ââʹneeʹl, luâđast da kulttuurâst. Muʹzeeʹj čuäjtõõzz ǩiõttʼtâʹlle sääʹmǩiõtt-tuâjaid da -pihttsid, saaʹmi åskldõõǥǥ da mytologia, puäʒʒhoiʹddjeeʹji jieʹllem da luâtt-tällõõzz mõõnnâmääiʹjest ânnʼjõžäigga; lââʹssen čuäjtõõzz ǩiõttʼtâʹlle maaiʹlm äʹrbbpääiʹǩ Laponia.
Muʹzeiraajõõzz ååuǥbeäʹlnn, muʹzeiǩeeʹddest, čuäjtõõlât sääʹm raajõõzzid. Muʹzeeja kooll še rääʹsstiõđlaž tuõddârmuõrršâddpäiʹǩǩ, kååʹtt lij äävai rääʹss/šâddpââʹj. Muõrršâddpääiʹǩest vuäitt tobdstõõttâd jeeʹresnallšeeʹm luâttšlaajid, koin šâʹdde vuuʹd rääʹssvuõđ.
Muʹzei dokumentâstt da nåårr saaʹmi jieʹllmest mainsteei, kulttuuʹre da luõttu õhttneei täʹvvrid da arkiivmateriaal di snimldõõǥǥid. Muʹzeeʹj norldõõǥǥin liâ nuʹt 10 000 kulttuurhistoriallaž täʹvver, 100 000 snimldõõǥǥ da 50 000 luõttu õhttneei käpplõõǥǥ.
Haʹŋǩǩõʹsse vuässõõđi oummu:
Elisabeth Pirak-Kuoljok, muʹzeijååʹđteei
Sunna Kuoljok, projeʹktt-tuâjjlaž
Ann-Catrin Blind, projeʹktt-tuâjjlaž
Sunna Kuoljok
sunna.kuoljok(a)ajtte.com
