Ájtte musea lä åjjvemusea sáme kultuvra åvdåst Sverjin, särramusea värij natuvra ja kultuvra åvdåst ja diededimguovdátj várreturisma åvdåst. Musea lä Jåhkåmåhken, nuarrtalin Nuarrtagievle, ja rahpasij älbugij biehtsemáno 1989. Ájtte lä bájjke gunne sáme árrvogävnijt ájmon idni vaj da sjiddi gálldon guoradallamin, åvdedibmáj ja lieradassaj sáme kultuvra birra. Musea adná gålbmå bargo: sujjtit åjjvemuseadåjmåjt Sverijin sáme kultuvra åvdåst, sujjtit särramuseadåjmåjt várrebájke åvdåst Sverjin ja sujjtit diedimguovdátjav várreturisma åvdåst.
Dokumentasjuvna ja guoradallama tjara ja aj vuosádasaj ja tjállagij tjara gehttu museam sáme kultuvra ja sáme kultuvvraiednama birra, viessoma birra ja berrgima birra garra dálkádagan ja biraskin, natuvra ja kultuvra birra ekologalatj ållesvuohtaperspektijvast. Musea adná vuosádasajt sáme dujij ja sáme gárvoj birra, sáme jáhko ja mytologija birra, jåhtemviessoma ja ietjberrgima birra buhtsuj git dálátj ájge rájjáj ja vieráltárrbebájke Laponia birra.
Musea ullgolin, museabájken, vuosedip sáme bidtjimijt. Musean lä aj várresjaddasajje, rahpasin sjaddoájgen. Várresjaddamsajen vuosedip umas natuvvrabiraskijt bájke sjaddoj.
Musea dokumenteri ja tjuhkki kultuvrrahitårjålatj ja natuvvrahistårjålatj gävnijt, gåvåjt ja arkijjvamateriálajt sáme viessomist. Musea adná 10 000 bájken kultuvvrahistårjålatj gávne, 100 000 gåvå ja 50 000 natuvvrahistårjålatj gávne tjåhkkemijn.
Åsáladtja:
Elisabeth Pirak-Kuoljok, museaåjjve
Sunna Kuoljok, prosjäkktabarrgej
Ann-Catrin Blind, prosjäkktabarrgej
Akktavuohtadiededibme:
Sunna Kuoljok
sunna.kuoljok(a)ajtte.com
