Sámi musea Siida lä sáme nasjuvdnamusea Såmán, sishiejmalatj musea ja rijkalatj ja regiuvnalatj vásstádismusea. Siida-ståhpo lä Inari bivnan nuarrta Såmán ja lä häjbma sáme museaj Siida ja nuarrta Lapplánda natuvvraguovdátj (Luondduguovddáš Siida). Siida rabaduvvuj 1998, men sáme musean lä vil guhkep histårrjå. Dat vuorroduvvuj ullgoviessommusean juo 1959 ja lä danen vuorrasumos sáme museajst.

Siida-ståhpo gallgá divoduvvut ja stuoreduvvut jäbijn 2020 – 2022. Årrå rumma sjiddi häjbman stuoremus sáme tjåhkkemij Såmán. Dál Siida tjudtjuda tjåhkkemav gunne lä 7000 gávne ja divodimájgen gallgá Såmá Nasjuvdnamusea Helsingforsan máhtsadit ietjas árrvolis tjåhkkemav gunne lä 2100 sáme iejgojt Siidaj. Årrå stuoves vuosádis rahpasa vuoratjismánon 2022.

Sáme musean lä musea åjjveulbme tjenut sáme älbmugav, årrot sajje gunne nuorra ja vuoras sáme tjåhkåni. Musean lä barrgo ájmon adnet uvdutj iemelágátj diedojt ja aj dahkat årrå kultuvrav sämmiájjgásatj diehtagijn ja kånståjn, aktan dujijn árrgakånnstån. Mubbe barrgo lä viehkedit ietjá gussijt lierrat ja skenit sáme vugijt viessot ja lahkanit viessomav. Siida lä aj nanos guässemåhkke ja diededimguovdátj dan bájke natuvra åvdåst. Daj maŋemus 20 jäbij lä ienap gu 1 miljuvdna almatja gussudam Siidav.

Åsáladtja:
Sari Valkonen, museaåjjve
Eeva-Kristiina Nylander, prosjäkktaläjjdistäjje
Minna Lehtola, prosjäkktatjállej

Akktavuohtadiededibme:
Eeva-Kristiina Nylander
eeva-kristiina.nylander(a)samimuseum.fi

Minna Lehtola
minna.lehtola(a)samimuseum.fi

Siida