Ájtte dávvervuorkká l oajvvedávvervuorkkán sáme kultuvrraj Svierigin, sierra dávvervuorkká várreluonnduj ja kultuvrraj ja diededimguovdásj várreturissmaj. Dávvervuorkká l Jåhkåmåhken, nuorttagievle nuorttalattjan, ja álmmugij rahpasij biehtsemánon 1989. Ájte ájggomus la ájtten årrot gånnå sáme dávverijt vuorkku ádjagin åtsådibmáj ja åhpadussaj sáme kultuvra birra. Dávvervuorkán li gålmmå gåhttjoma: barggat oajvvedávvervuorká dagoj Svierigin sáme kultuvrraj, barggat sierra dávvervuorkkádagoj Svieriga várrebájkijn ja jådedit diededimguovdátjav várreturissmaj.
Diehtotjoaggemij, åtsådimij, vuosádusáj ja tjállusij baktu giehttu dávvervuorkká sámekultuvra ja sámeednama, viessoma ja bierggima birra garra dálkádagán ja birrasin, ja luondo ja kultuvra ekologak ållesvuojno birra. Dávvervuorkán li vuosádusá sáme giehtadájddaga ja sáme gárvoj birra, sámij jáhko ja mytologidja, jåhttesámij viessoma ja iesjbierggima birra äloj dálásj ájggáj, ja väráltárbbebájke Laponia birra.
Dávvervuorká ålggolin, guovdon, vuosedip sáme tsieggidusájt. Dávvervuorkkáj aj gullu várresjattadahka, mij la rabás sjaddamájge. Várresjattadagán vuosedip luonndobirrasijt bájke sjattoj.
Dávvervuorkká tjoaggá diedojt ja kultuvrrahiståvrrålasj dávverijt, gåvåjt ja arkijvvagávnijt sáme viessomis. Dávvervuorkán li birrusin 10000 kultuvrrahiståvrrålasj dávvera, 100 000 gåvå ja 50 000l luonndohiståvrrålasj dávvera ietjasa tjoaggulvisájn.
Oassálasste:
Elisabeth Pirak-Kuoljok, dávvervuorká oajvve
Sunna Kuoljok, prosjäktaaktididdje
Ann-Catrin Blind, prosjäktaaktididdje
Aktavuohta:
Sunna Kuoljok
sunna.kuoljok(a)ajtte.com
