Sámi museum Siida l sáme nasjåvnnådávvervuorkká Suoman ja nasjåvnålasj ja bájkkásasj åvdåsvásstediddje dávvervuorkká. Siida gávnnu Anársijdan nuortta Suoman ja dasi gullu same dávvervuorkká Siida ja nuortta Lapplanda luonndoguovdásj (Luondduguovddáš Siida). Siida rahpasij 1989, valla sáme dávvervuorkán la åvvånagi guhkep histåvrrå. Dat vuododuváj ålggo dávvervuorkkán juo 1959 ja danen la vuorrasamos sámij dávvervuorkájs.
Siida-dåbev galggi divvot ja stuoredit jagijn 2020-2022. Ådå lanjájda boahtá stuorámus sáme tjoahkkimus Suoman. Dálla Siida tjuottjot tjoahkkimusáv manna li 7000 dávvera. Suoma Nasjåvnnådávvervuorkká Helsinkin ájggu divudimájge Siidaj máhtsadit ietjasa árvulasj tjoahkkimusáv 2100 sáme dávverij. Ådå stuoda vuosádus rahpá vuoratjismánon 2022.
Oajvveulmme sáme dávvervuorkán la sáme álmmugav dievnastit, aktidit nuorra ja vuoras sámijt. Dávvervuorká barggo l suoddjit åvdep árbbedábálasj diedojt ja danga bále dahkat ådå kultuvrav árggadájddagin aktan diehtagijn ja dájddagijn ja duojijn. Nubbe barggo l viehkedit ietjá guossijt oahppat ja dádjadit sámij viessomvuogijt ja viessomij lahkanit. Siida l aj ájnas turisstaulmme ja diededimguovdásj bájke luondo birra. Maŋemus 20 jage li ienep gå 1 miljåvnnå guosse mannam Siidan.
Oassálasste:
Sari Valkonen, dávvervuorká oajvve
Eeva-Kristiina Nylander, prosjäktaaktididdje
Minna Lehtola, prosjäktatjálle
Eeva-Kristiina Nylander
eeva-kristiina.nylander(a)samimuseum.fi
Minna Lehtola
minna.lehtola(a)samimuseum.fi
