Sámemusea Siida jođihan Muittut, muitalusat -Interreg-fidnu mihttomearrin lea buvttadit miellagiddevaš sisdoaluid museačájáhusaide ja veahkehit gussiid váldit vuostá museaid fállan dieđu buorebut. Fidnu ovddida sápmelaš museagiela nappo mo ovdanbuktit sápmelaš kultuvrra sápmelaš geahččanguovllus nu, ahte čájáhus gaskkusta sápmelaš árbedieđu, máilmmigova ja -oainnu. Fidnu suokkardallá mo musea sáhttá doaibmat servoša oassin ja fállat dasa miellagiddevaš doaimmaid boahtteáiggis.

Jearahallan lea rabas 14.6.-4.7.2021 ja vástádusat adnojuvvojit dušše Sámemusea čájáhusbarggu ja doaimmaid ovddideapmái. Vástádusaid gieđahallet dušše fidnu bargit. Vuorbádeapmái oassálastima várás galgá addit iežas oktavuođadieđuid. Mii vuorbádit buot jearahallamii vástidan ja oktavuođadieđuid addán olbmuid gaskkas guokte 50e árvosaš skeaŋkakoartta SiidaShopii.

Liŋka: https://link.webropolsurveys.com/S/EA28867CF5CD5157