Saemien Sijte la oarjjelsáme dávvervuorkká ja kultuvrraguovdásj Snåasen, Vuonan – oarjjelsáme bájke guovddelin. Oarjjelsáme bájkke ållå Raanes nuorttan Engerdalaj oarjjelin.
Saemien Sijten la nasjåvnålasj åvdåsvásstádus Vuonan diedojt tjoagget, suoddjt, åtsådit ja diededit oarjjelsáme kultuvrav. Dávvervuorká oajvvegåhttjom la diedojt kultuvrraárbe birra tjoagget, ja aj árbbedábálasj máhttudagá ja histåvrå birra, majt la 1964 álgos dahkam. Saemien Sijte barggá kultuvrralasj ássjij ja dåjmaj åvddålijguovlluj ma nanniji oarjjelsáme identitejtav, gielav ja aktavuohtadåbdov. Akta Saemien Sijte ájnnasamos bargojs la tjoahkkimusgiehtadallam gå vuosstáj válldi dávverijt, gåvåjt, filmajt, jiednabáddimijt, arkijvvaábnnasijt, dájddagijt ja antikvárra tsieggidusájt. Dávvera álmmugij rahpasi gå ådå dávvervuorkká l ållånam.
Saemien Sijte tsieggi ådå dávvervuorkáv mij galggá ållånit 2021 ja rahpasit guossijda 2022 ådå oajvvevuosádusájn. Dálla gávnnuji birrusin 500 dávvera majt dávvervuorká sujtti, ja Saemien Sijte galggá oadtjot 160 gávne ådå dávvervuorkkáj Norsk Folkemuseumis ja Kulturhistorisk museumis Oslon máhtsadimprosjevta ”Bååstede” baktu. Saemien Sijte l rabás gájkka guossijda vuosádallammánoj skåvlåjda, vidnudagájda jali turistajda.
Saemien Sijte hásat sierralágásj kultuvrralasj ja tjiehpes hávsskudagáv juohkka jage. Juohkka nuppe jage la Tjaktjen Tjåanghkoe – oarjjelsáme tjaktjafestiválla mij hásaduvvá aktan sierra institusjåvnåj Snåasen.
Oassálasste:
Birgitta Fossum, dávvervuorká oajvve
Elen Kristina Utsi, prosjäktaaktididdje
Elen Kristina Utsi
elen.kristina.utsi(a)saemiensijte.no
