Haʹŋǩǩõʹsse vuässõõđi oummu

Elen Kristina Utsi
Saemien Sijte, Taarrjânnam

Elen Kristina Utsi lij projeeʹkt ”Mojhtesh, vaajesh” haʹŋǩǩõskoordinõʹsttjen SaemienSijte -muʹzeeʹjest. Utsi kooll Voengelh-Njaarǥ paalǥâskådda (reinbeitedistrikt), kååʹtt lij saujjbeäʹlest Nordlandist da tâʹvvbeäʹlest Trøndelagist Taarrjânnmest; son puätt še Ruõccjânnam beäʹlnn Piiddâmjokkvueʹmest. Utsi lij mättʼtõõttâm mättsuåppâmškooultõõzzin nuʹt teʹmmâz ǥu kõrr sääʹmǩiõtt-tuâjaid da jååʹđtummuž Trooms pââimõs-škooul UiT:st. Son reâugg piârri puäʒʒhåiddampõrggsest da äʹhttem da ǩiõtt-tuâjain di mättʼtââtt Trooms pââimõs-škooulâst.

Eeva-Kristiina Harlin
Sääʹm-muʹzei Siida, Lääʹddjânnam

Eeva-Kristiina Harlin lij mättʼtõõttâm arkeologia, osteoarkeologia da sääʹmkulttuur. Suu spesiaalvuʹvdden liâ sääʹmnorldõõǥǥ euroopplain da tâʹvvjânnmallaž muʹzeeʹjin di saaʹmi aunnsallša ärbba õhttneei repatriaatiopolitiikk, koʹst son lij õlmstâttam määŋgaid artikkeeʹlid. Son tåimm še näggtõsǩeʹrjjtuʹtǩǩeeʹjen sääʹmǩiõʹlle da kulttuuʹre spesiaalʼlõõvvâm Oulu pââimõs-škooul Giellagas-instituuttâst.

Sunna Kuoljok
Tuõddâr- da sääʹm-muʹzei Ájtte, Ruõccjânnam

Sunna Kuoljok lij haʹŋǩǩõõzz ”Mujto, subttsasa” haʹŋǩǩõskoordinõʹstti Ruõcc Tuõddâr- da sääʹm-muʹzei Ájttest. Son tåimm meertiõđooumžen da amanuenssân muʹzeeʹj arkiiv- da norldõkbeäʹlnn.

Minna Lehtola
Sääʹm-muʹzei Siida, Lääʹddjânnam

Minna Lehtola lij tuâjast projeʹkttpiisren haʹŋǩǩõõzzâst ”Muštohmuštâlusah”.Lehtolast lij kulttuurpuuʹtʼteei kandidaatt tuʹtǩǩõs, da son vaʹsttad haʹŋǩǩõõzz siiskõspuuʹtʼtõõzzâst da teäʹǧǧaaʹššin.

Joo Chan Kim
Juuʹlev teknlaž pââimõs-škooul LTU, Ruõccjânnam

Joo Chan Kim lij dåhttarškooultõõʹtti, koon tuʹtǩǩeemäššan liâ lââʹzztum tuõttvuõđ (AR) määŋgaaiclaž vuârrvaaiktõõzz tekniikk di täʹvvri internetta (IoT) õhttneei teknologia, kooi peäʹlest õõʹnni vuäitt leeʹd määŋgai aaici vääʹltummšin vuârrvaaiktõõzzâst riâšldõõǥǥin. Suʹst liâ haʹŋǩǩõõzzâst mäŋgg tuâj: leeʹd mieʹldd tuʹtǩǩeeʹmen vuäǯǯamnalla åårrai – vuõss-sââʹjest AR õhttneei – teknologia, koon haʹŋǩǩõõzzâst vueiʹtčeš ââʹnned, da vuässõõttâd pilootti teknliʹžže plaanummša da ooudâsviikkmõʹšše di pilott-tekniikk ärvvtõõllmõʹšše.

Mari Suoheimo
Lappi pââimõs-škooul, Lääʹddjânnam

Dåhttar Mari Suoheimo reâugg haʹŋǩǩõõzzâst kääzzkõstäävvai tuʹtǩǩeeʹjen. Son põhtt pilootti ideâsttmõʹšše täävvamjorddmõõžž ǩiõččâmvueʹjj da lij mieʹldd raajjmen õhttsaž tuâjjpaaʹjid, koin piloottid õõuʹdeet ooudâs vueiʹvvsmiõttâm-mõõntõõllmõõžžin. Son še koordinâstt haʹŋǩǩõõzz Lappi pââimõs-škooulâst.

Henrique Souza Rossi
Juuʹlev teknlaž pââimõs-škooul LTU, Ruõccjânnam

Henrique Souza Rossi lij leämmaž mieʹldd ooudâsviikkmen siõrid da virtuaalʼlaž tuõttvuõđ (VR) prograammid frijjääiʹj âânnmõʹšše da håiddam-mõõntõõllmõššân. Haʹŋǩǩõõzzâst son tuʹtǩǩad vuäǯǯamnalla åårrai teknologia – vuõss-sââʹjest ođđsummuz VR-teknologia – di vuässââtt pilott-teknologia prograammâsttmõʹšše, programmkoodd plaanummša da ärvvtõõllmõʹšše.

Siiri Paananen
Lappi pââimõs-škooul, Lääʹddjânnam

Siiri Paananen tuʹtǩǩad ååʹn Lappi pââimõs-škooul Čeäppõõzzi tiõđkååʹddest õhttuum tuõttvuõđ (MR) âânnmõõžž kulttuurääʹrbest. Son lij tuâǥǥas mieʹldd siõrrtuʹtǩǩeei, da son lij leämmaž ooudâsviikkmen/raajjmen 3D- da 2D-čeäppõõzzid siõri diõtt di ââʹnnmen siõrrmoottrid.

Karan Mitra
Juuʹlev teknlaž pââimõs-škooul LTU, Ruõccjânnam

Karan Mitra reâugg veäʹǩǩprofessoorân Juuʹlev teknlaž pââimõs-škooulâst LTU:st Ruõccjânnmest. Suʹst šõõddi filosofia dåhttar eeʹjjest 2013, ǥu tuʹtǩǩõõzz õõutveäkka riâššâm pââimõs-škooul leʹbe Monash University (Australia) da Juuʹlev teknlaž pââimõs-škooul (Ruõccjânnam) priʹmme suu naggtõsǩeeʹrjes. Son lij spraavâm Monash Universityst še MIT (MT) –tuʹtǩǩõõzz (2008) da PgradDipDigCommin (2006). Suu tuʹtǩǩeemvuuʹdes liâ odm. ǩiõččlâʹsttem-mallõõzz da õuddlâʹsttemvuõđ šlaajj, jeällmõš-šiõttlõõvvi teâtt-tekniikk, põlvvkääzzkõsteknikk da mäʹtǩǩ- da suddõttum teâtt-teknikkriâšldõõǥǥ. Son reâuǥai ođđeeʹjjmannust 2012 jooulmannǥa 2013 tuʹtǩǩeeʹjen CSIRO:st Canberrast Australiast. Son lij IEEE da ACM vuäzzlaž.

Matilda Kalving
Lappi pââimõs-škooul, Lääʹddjânnam

Matilda Kalving reâugg tuʹtǩǩeemvieʹǩǩteeʹjen Lappi pââimõs-škooul Čeäppõõzzi tiõđkååʹddest. Ouddâl ǥu Kalving alttii Fabriikklaž täävvam määttaid Lappi pââimõs-škooulâst, son reâuǥai televisio da teaʹttervuuʹd lååʹppkõõččmõõžžin da graafla plaanummuž vuuʹdest. Täʹst haʹŋǩǩõõzzâst son ooudâs veekk õõʹnnikõskksaž täävvam, ââʹnnemnallšemvuõtt-teʹsttjummuž da piloottid.

Ohjjeemjoukk

Sari Valkonen
Muʹzeijååʹđteei
Sääʹm-muʹzei Siida, Lääʹddjânnam

Elisabeth Pirak-Kuoljok
Muʹzeijååʹđteei
Tuõddâr- da sääʹm-muʹzei Ájtte, Ruõccjânnam

Birgitta Fossum
Muʹzeijååʹđtee
SaemienSijte, Taarrjânnam

Eeva-Kristiina Harlin
Projeʹkttkoordinõʹstti
Sääʹm-muʹzei Siida, Lääʹddjânnam

Jonna Häkkilä
Fabriikklaž täävvai professor
Lappi pââimõs-škooul, Lääʹddjânnam

Christer Åhlund 
Teâttmašinatiõtti professor
Juuʹlev teknlaž pââimõs-škooul LTU, Ruõccjânnam

Pirita Näkkäläjärvi
Kulttuurluʹvddkååʹdd saaǥǥjååʹđteei
Sääʹmteʹǧǧ, Lääʹddjânnam

Pirjo Seurujärvi
Muõrrǩeʹddjååʹđteei
Meäʹcchalltõs